"როგორ თამაშობდა ჩვენი გუნდი ვერაფერი გავიგე. უტევდა თუ თავს იცავდა?" - სომეხი გულშემატკივარი

ერთა ლიგის B დივიზიონის პლეი-ოფის პირველ მატჩში, საქართველოს ეროვნულმა ნაკრებმა სომხეთი ერევანში 0:3 დაამარცხა. პირველი გოლი 33-ე წუთზე ოთარ კიტეიშვილის გადაცემის შემდეგ გიორგი ქოჩორაშვილმა გაიტანა, მალევე 37-ე წუთზე გიორგი მამარდაშვილმა გიორგი მიქაუტაძეზე უზუსტესი გადაცემა გააკეთა და ჟორჟმა სხვაობა ორამდე გაზარდა, საბოლოო ანგარიშიც გიორგი მიქაუტაძემ დააფიქსირა, მან გიორგი ჩაკვეტაძის გადაცემის შემდეგ 59-ე წუთზე მატჩის ბოლო გოლი გაიტანა.

სომეხი გულშემატკივარები შედეგით ძალიან უკმაყოფილოები არიან და ამას სოციალურ ქსელშიც გამოხატავენ, გთავაზობთ რამდენიმე კომენტარს:

• აქ მნიშვნელოვანია, რომ ტრიბუნაზე ქართველები სომხებზე მეტი იყვნენ. სირცხვილია!!

• მტკივნეულია, მაგრამ ეს რეალობაა. 2021 წელს თბილისში გამარჯვების შემდეგ ჩვენ პროგრესი არ გვქონდა, მაგრამ საქართველოს ნაკრებმა პროგრესი განიცადა და ეს არის შედეგი.

• ასე შერცხვენილად და დაბნეულად თავი არასდროს მიგრძვნია, საქმე მხოლოდ თამაშს არ ეხება, სტადიონზე გადამყიდველების წყალობით ნახევარი თუ მეტი არა ქართველი იყო.

• მიხარია, რომ C ლიგაში დავრჩით, B-ლიგაში რომ გადავსულიყავით, ძალიან სევდიანი დღეები გვექნებოდა და მეტში დავმარცხდებოდით. C ლიგა კი ჩვენი რეალური დონეა. დავრჩეთ C ლიგაში, დავუთმოთ ასპარეზი ახალგაზრდა, ნიჭიერი ფეხბურთელებს და იქნებ წარმატებასაც მივაღწიოთ.

• ამ თამაშმა აჩვენა, რომ ქართველებმა 30 წელი იმუშავეს და ევროპული ფეხბურთი შექმნეს, ჩვენ კი რუსული.

• არაფერი განსაკუთრებული, ბიჭები თბილისში, მაკდონალდსში შევლენ.

• როგორ თამაშობდა ჩვენი გუნდი ვერაფერი გავიგე. უტევდა თუ იცავდა? უხარისხო თამაში!

• როდის გავიგებთ, რომ ფეხბურთელი არ გვყავს, თქვენ გგონიათ, რომ ფედერაციის გადადგომით არგენტინის ნაკრები გვეყოლება.

პლეი-ოფის მომდევნო და გადამწყვეტი შეხვედრა 23 მარტს თბილისში გაიმართება, მატჩის დაწყების დრო 18:00 საათია.