როდრიგო: "მბაპე მსოფლიოს საუკეთესო ფეხბურთელია, ვიმედოვნებ, რომ იგი ჩვენთან მოვა..."

მადრიდის "რეალისა" და ბრაზილიის ეროვნული ნაკრების 23 წლის ფეხბურთელმა - როდრიგომ, "სამეფო კლუბში" კილიან მბაპეს შესაძლო ტრანსფერზე ისაუბრა.

როდრიგომ აღნიშნა, რომ მისთვის დღეს საუკეთესო ფეხბურთელი - კილიან მბაპეა და მასთან ერთად თამაში ძალიან სურს.

შეგახსენებთ, რომ უკვე მეორე წელია, მედიაში არ წყდება საუბარი იმის შესახებ, რომ კილიან მბაპე "სამეფო კლუბის" წევრი გახდება. ამის შანსი ნამდვილად ძალიან დიდია, თუმცა ჯერჯერობით ტრანსფერზე მუშაობა მიმდინარეობს და გადაწყვეტილი ჯერჯერობით არაფერია.

მიმდინარე სეზონში 25 წლის შემტევის ანგარიშზე ,,პარი სენ ჟერმენის'' მაისურით ჩატარებულ 29 შეხვედრაში 30 გოლი და 7 საგოლე გადაცემაა.

Transfermarkt-ის მონაცემებით, ფრანგის სატრანსფერო ღირებულება 180 მილიონი ევროა.