კარლო ანჩელოტი: "ფედე ვალვერდე მსოფლიოში ყველაზე სრულყოფილი ფეხბურთელია"
5 დღის წინ
ფეხბურთი
1 წთ
ლა ლიგის 21-ე ტურის წინ, სადაც "სამეფო კლუბი" ბოლოადგილოსან "ვალიადოლს" ესტუმრება, მადრიდის "რეალის" 65 წლის იტალიელმა მწვრთნელმა - კარლო ანჩელოტიმ პრესკონფერანცია გამართა, სადაც არაერთ საინტერესო თემაზე ისაუბრა.
ყველაზე გამორჩეული მონაკვეთი კი ფედერიკო ვალვერდეზე დასაფასებელი საუბარი და მისი ქება იყო.
"მიუხედავად იმისა, რომ ჩვენი გუნდის ერთ-ერთ მთავარ ღერძსა და ლიდერს, ფედე ვალვერდეს მის პოზიციაზე ხშირად ვერ ვათამაშებ, მას არასდროს გამოუთქვამს პრეტენზია ამ ფაქტის შესახებ... მეტიც, იგი ის ნებისმიერ პოზიციაზე ადაპტირდება და მუდმივად პროგრესირებს.
შემიძლია თამამად ვთქვა, რომ დღევანდელ ფეხბურთში, ფედე ვალვერდე ყველაზე სრულყოფილი ფეხბურთელია.
მას ნებისმიერ პოზიციაზე შეუძლია თამაში - ხვალ რომ გადავწყვიტო და ვუთხრა, რომ ვალიადოლიდთან კარში დგები ან ცენტრალურ მცველად თქო, აუცილებლად შემისრულებს ამ მოთხოვნას, თანაც საუკეთესოდ..." - კარლო ანჩელოტი
შეგახსენებთ, რომ მადრიდის "რეალი" ლა ლიგას 46 ქულით ლიდერობს, ფედერიკო ვალვერდე კი მიმდინარე სეზონში ულამაზესი შორეული გასროლებით გვამახსოვრებს თავს.
მიმდინარე სეზონში, ურუგვაელი ნახევარმცველის ანგარიშზე 5 გატანილი გოლი და 2 შესრულებული საგოლე გადაცემაა.
სხვა სტატიები
.32.webp)
