რობერტ ლევანდოვსკიმ ბარსელონას რეკორდი დაამყარა

,,ნაპოლისა'' და ,,ბარსელონას'' შორის ჩემპიონთა ლიგის მერვედფინალური ეტაპის პირველი შეხვედრა ფრედ, ანგარიშით 1:1 დასრულდა.

მატჩში ანგარიში რობერტ ლევანდოვსკიმ გახსნა, რომელიც 35 წლისა და 184 დღის ასაკში გახდა ყველაზე ასაკოვანი ფეხბურთელი, ვისაც ლიგის პლეი-ოფში კატალონიური გუნდის მაისურით გაუტანია.

პოლონელმა თავდამსხმელმა ლეო მესის რეკორდი გააუმჯობესა, რომელმაც 2021 წლის მარტში, ,,პარი სენ ჟერმენთან'' მერვედფინალურ მატჩში, თავი 33 წლისა და 259 დღის ასაკში გამოიჩინა.

,,ბარსელონასა'' და ,,ნაპოლის'' შორის საპასუხო მატჩი 13 მარტს, კატალონიაში გაიმართება.

მიმდინარე სეზონში ლევანდოვსკის ანგარიშზე ,,ბლაუგრანას'' მაისურით ჩატარებულ 34 შეხვედრაში 18 გოლი და 6 საგოლე გადაცემაა.