პედრი ბარსელონას მალე დაუბრუნდება

კარგი ამბავი პედრისთვის და შესაბამისად, "ბარსელონასთვისაც". ახალგაზრდა კანარიელი თავდამსხმელი, ხუთშაბათის სესიაზე ბალახზე პირველად დადგა და მისი დაბრუნება სათამაშო მოედნებზე ცოტა უფრო ახლოსაა. თუმცა, ის მაინც არ შეუერთდა ჯგუფურ წვრთნებს და არ დასახელებულა კონკრეტული თარიღი, როცა ხავისთვის ფეხბურთელი ხელმისაწვდომი იქნება. აშკარაა, რომ პედრის გამოჯანმრთელების პროცესი ნავარაუდევზე უფრო სწრაფად მიმდინარეობს.

პედრიმ მარჯვენა ბარძაყის ტრავმა სან მამესში, "ატლეტიკთან" მატჩის დროს, 3 მარტს გამართულ ლა ლიგის 27-ე ტურის მატჩში მიიღო. ესპანელი ფეხბურთელი შესვენებამდე რამდენიმე წუთით ადრე უნდა შეცვალეს, მან მოედანი თვაკცრემლიანმა დატოვა, რადგან ხშირი ტრავმები მის კარიერაზე უარყოფითად მოქმედებს.

მიმდინარე სეზონში, პედრიმ სხვადასხვა დისკომფორტის გამო 23 თამაში გამოტოვა.

ბარსელონას "ლას პალმასთან", შაბათს მონჟუიკზე, ფრენკი დე იონგი, გავი და ბალდეც დააკლდებიან. არაუხოსა და კრისტენსენის თამაში სერიოზულ ეჭვებს ბადებს. ყველაფერი იმაზე მეტყველებს, რომ ტრავმირებულთა სიაში ახლები კანსელო და ფერან ტორესი იქნებიან.

ლევანდოვსკი და კუნდე, რომლებმაც თავიანთ ეროვნულ ნაკრებებთან მატჩებში, ბარძაყსა და კოჭზე დაზიანებები მიიღეს, ლა ლიგის 30-ე მატჩში, ხავის განკარგულებაში იქნებიან.