რეკორდსმენი ოჩოა - ვეტერანი მექსიკელი შესაძლოა კვლავ ძირითადი შემადგენლობის მეკარე იყოს

40 წლის ლეგენდა გილერმო ოჩოა, შესაძლოა 2026 წლის მსოფლიო ჩემპიონატზე, მექსიკის ეროვნული ნაკრების სასტარტო შემადგენლობის მეკარე იყოს. ოჩოასთვის ეს მე-6 მუნდიალი იქნება, ვეტერანი მეკარის გარდა აღნიშნული მიღწევა დაფიქსირებული ექნებათ მხოლოდ ლეო მესისა და კრიშტიანუ რონალდუს.

ძირითადი შემადგენლობიდან გილერმო ოჩოას მსოფლიო ჩემპიონატზე შესაძლო თამაში დღეს გახდა ცნობილი, ეს მაშ შემდეგ გამოცხადდა როდესაც მექსიკის ეროვნული ნაკრების პოტენციურმა მთავარმა მეკარემ, ანხელ მალაგონმა კონკაკაფის ჩემპიონთა თასზე მძიმე ტრავმა მიიღო.

გილერმო ოჩოასთვის პირველი მსოფლიო ჩემპიონატი 2006 წელს შედგა, მაგრამ ის მექსიკის ეროვნული ნაკრების განაცხადში იყო და არცერთ შეხვედრაში მონაწილეობა არ მიუღია, იგივე შემთხვევა მოხდა 2010 წელსაც. ის ძირითადი შემადგენლობის მეკარე 3 მსოფლიო ჩემპიონატზე იყო - 2014 ბრაზილია, 2018 რუსეთი და 2022 კატარი.

შეგახსენებთ, რომ მსოფლიო ჩემპიონატი 2026 წელს ჩრდილოეთ ამერიკის სამ ქვეყანაში – აშშ-ში, კანადასა და მექსიკაში ჩატარდება. ტურნირი 11 ივნისს დაიწყება და 19 ივლისს დასრულდება. ისტორიაში პირველად, ტურნირში მონაწილეობას 48 ნაკრები მიიღებს. ჯერჯერობით 42 ნაკრების ვინაობა ცნობილია და ჯგუფებშიც გადანაწილდნენ, ახლა კი 6 ადგილი დარჩა გასათამაშებელი.

მექსიკის ეროვნული ნაკრების ჯგუფი 2026 წლის მსოფლიო ჩემპიონატზე ასე გამოიყურება:

A ჯგუფი: მექსიკა, სამხრეთ კორეა, სამხრეთ აფრიკა, UEFA PLAY-OFF D (დანია, ჩრდილოეთ მაკედონია, ჩეხეთი, ირლანდია)