რაფაელ ვარანმა საფეხბურთო კარიერა დაასრულა

საფრანგეთის ეროვნული ნაკრებისა და "კომოს" ფეხბურთელმა - რაფაელ ვარანმა საფეხბურთო კარიერა 31 წლის ასაკში დაასრულა.

ამის შესახებ ინფორმაციას თავად ფეხბურთელი სოციალურ ქსელში აქვეყნებს და ადასტურებს, რომ ხანგრძლივი ტრავმების გამო მან საფეხბურთო კარიერის დასრულება გადაწყვიტა.

შეგახსენებთ, რომ რაფაელ ვარანი ზაფხულის სატრანსფერო ფანჯარაზე "მანჩესტერიდან" "კომოში" გადავიდა, სადაც იტალიის თასის 1/32-ფინალში "სამპდორიას" წინააღმდეგ მხოლოდ 23 წუთი ითამაშა.

ვარანი 4-გზის ჩემპიონთა ლიგის გამარჯვებული და 2018 წლის მსოფლიო ჩემპიონია. მან კარიერაში 480 მატჩი ჩაატარა, სადაც 21-ჯერ შეძლო გოლის გატანა, 8-ჯერ კი საგოლე გადაცემის შესრულება.