დე ძერბიმ მარსელის მწვრთნელის პოსტი დატოვა

რობერტო დე ძერბი მარსელის მთავარი მწვრთნელის თანამდებობიდან გადადგა, რაც ფრანგულმა კლუბმაც დაადასტურა. იტალიელ მწვრთნელზე ზეწოლა 2025/26 წლების წარუმატებელი სეზონის გამო ძლიერდებოდა, ხოლო პსჟ-სთან 5:0 მარცხი ბოლო დარტყმა აღმოჩნდა.

მარსელი ჩემპიონთა ლიგას ჯგუფური ეტაპიდან გამოეთიშა და პსჟ-სთან სუპერ თასის ფინალი პენალტების სერიაში წააგო. მარსელი ვერ იბრძვის საფრანგეთის ჩემპიონობისთვისაც - ისინი ლიდერ პსჟ-ს 12 ქულით ჩამორჩებიან და მეოთხე ადგილს იკავებენ.

მარსელი, შაბათს სტრასბურგთან საშინაო მატჩისთვის დროებით მწვრთნელად ჟაკ აბარდონადოას განიხილავს, ხოლო დე ძერბით მანჩესტერ იუნაიტედი ინტერესდება.