რა შეფასება დაიმსახურა კვარამ ატალანტასთან მატჩში იტალიური გამოცემებისგან?

ხვიჩა კვარაცხელიამ ,,ნაპოლის'' მაისურით კიდევ ერთი გამორჩეული მატჩი ჩაატარა - ,,ატალანტასთან'' მოგებულ შეხვედრაში ულამაზესი გოლი გაიტანა და მაყურებელს არაერთი ეფექტური მომენტი შესთავაზა.

ქართველი ფეხბურთელის თამაშს იტალიურ მედიაში დიდი გამოხმაურება მოჰყვა: ,,ამ ბიჭისთვის, რომელიც ფეხბურთის არსია, ზედსართავი სახელების მოძებნა რთულია,'' - წერს La Gazzetta dello Sport-ი.

Tuttosport-მა აღნიშნა, რომ კვარაცხელია ერთ-ერთი იმ მოთამაშეთაგანია, ვის გამოც გულშემატკივარს სტადიონზე მისვლა უხარია: ,,მარტო კვარას გამო ღირს ბილეთის ყიდვა. მატჩი შესანიშნავი, ოსტატური თამაშით გახსნა, მოწინააღმდეგის დაცვის ხაზი მიწასთან გაასწორა.''

კვარას შეფასებები იტალიური მედიისგან:

• Gazzetta dello Sport: 8
• Tuttosport: 8
• Corriere dello Sport: 8
• Il Mattino: 8
• Corriere della Sera: 7.5

მიმდინარე სეზონში ხვიჩა კვარაცხელიას ანგარიშზე ,,ნაპოლის” მაისურით ჩატარებულ 28 შეხვედრაში 13 გოლი და 15 საგოლე გადაცემაა.

ლუჩიანო სპალეტის გუნდი მომდევნო მატჩს 16 მარტს, ჩემპიონთა ლიგის მერვედფინალში, ,,აინტრახტთან” შინ გამართავს.