რა შეფასება დაიმსახურა გურამ კაშიამ სელტიკთან მატჩში?

ჩემპიონთა ლიგის პირველი ტურის შეხვედრაში ,,სელტიკმა'' ,,სლოვან ბრატისლავას'' უმასპინძლა და 5:1 დაამარცხა.

სლოვაკური გუნდის ძირითად შემადგენლობაში ითამაშა გურამ კაშიამ, რომელმაც მოედანზე 90 წუთი გაატარა. ეს ქართველი მცველისთვის ჩემპიონთა ლიგაზე სადებიუტო მატჩი იყო.

კაშიამ Sofascore-სგან 6-ქულიანი შეფასება მიიღო. 37 წლის ფეხბურთელმა, რომელიც ბურთს სულ 49-ჯერ შეეხო, 3-დან 1 დუელი მოიგო და 32-დან 25 (78%) ზუსტი გადაცემა გააკეთა.

5.7 ქულით შეაფასა კაშიას თამაში Whoscored-მა.

,,სლოვან ბრატისლავა'' ჩემპიონთა ლიგის მომავალ შეხვედრას პირველ ოქტომბერს, ,,მანჩესტერ სიტის'' წინააღმდეგ გამართავს.