პრემიერ ლიგის კლუბი მიქაუტაძის სანაცვლოდ 18 მილიონს იხდის

პრემიერ ლიგაში კვლავ აღზევებული "შეფილდ იუნაიტედი", გიორგი მიქაუტაძის ტრანსფერით აქტიურად ინტერესდება. აღნიშნულ ინფორმაციას, ავტორიტეტული ფრანგული მედია საშუალება - le10sport.com-ი ავრცელებს.

წყაროს მტკიცებით, "შეფილდ იუნაიტედი" მზადაა "მეცს" 18 მილიონი ევრო შესთავაზოს, რომელსაც სამომავლო ბონუსების სახით კიდევ რამდენიმე მილიონი დაემატება. აღსანიშნავია, რომ "შეფილდი" არაა პირველი ინგლისური კლუბი, რომელიც ქართველი შემტევით ინტერესდება. მიქაუტაძის შეძენა "ბარნლისაც" სურდა, თუმცა, "მეცმა" 15 მილიონიანი წინადადება არ მიიღო.

შეგახსენებთ, ლიგა 2-ის გასულ სეზონში, მიქაუტაძემ 23 გოლი გაიტანა და 8 საგოლე გადაცემა შეასრულა. ქართველი ვარსკვლავი "მეცს" ლიგა 1-ში დაბრუნებაში დაეხმარა და სეზონის საუკეთესო ფეხბურთელად დასახელდა.