მიქაუტაძის ასისტი | რა შეფასება დაიმსახურა გიორგიმ ლუდოგორეცთან?

ევროპა ლიგის (ლიგის ფაზის) ბოლო ტურის შეხვედრაში "ლიონმა" საკუთარ მოედანზე "ლუდოგორეცს" უმასპინძლა და შეხვედრა ფრედ, 1:1 დასრულდა. მოპოვებულმა ქულამ ლიონს საუკეთესო 8 გუნდში (მე-6) ადგილი და 1/8 ფინალის საგზური გაუნაღდა.

გიორგი მიქაუტაძემ შეხვედრა ძირითად შემადგენლობში დაიწყო და დროებითმა მწვრთნელმა, ჟორჟ მასიელმა ქართველი ბოლომდე მინდორზე დატოვა. გიორგიმ 54-ე წუთზე გაატანინა ტოლისოს და ეს მიქაუტაძის პირველი ასისტი იყო ევროპა ლიგაზე. სტუმრებმა 77-ე წუთზე გაათანაბრეს და ანგარიში აღარ შეცვლილა.

ქართველი მოედანზე ერთ ერთი საუკეთესო იყო - sofascore-ის ვერსიით მან 7.2 ქულა მიიღო, ხოლო whoscored-მა მიქაუტაძეს 7 ქულა დაუწერა.