პორტუგალიის ნაკრების მიზანი მსოფლიო ჩემპიონატზე | ფეხბურთის ფედერაციის პოზიცია

პორტუგალიის ფეხბურთის ფედერაცია მსოფლიო ჩემპიონატის ფინალში ვერგასვლის შემთხვევაში, ეროვნული ნაკრების სხვა ნებისმიერ შედეგს წარუმატებლად ჩათვლის. როგორც სოციალურ ქსელში The Touchline წერს, მუნდიალის ფინალში გასვლა პორტუგალიელთა უმთავრესი მიზანია.

პორტუგალიის ეროვნული ნაკრები მუნდიალის K ჯგუფში უზბეკეთთან და კოლუმბიასთან ერთად იასპარეზებს. ჯგუფის მე-4 წევრი კი ახალი კალედონია, იამაიკა ან კონგოს დემოკრატიული რესპუბლიკა იქნება.

მსოფლიოს 2026 წლის ჩემპიონატი, რომელსაც აშშ, მექსიკა და კანადა უმასპინძლებენ, 11 ივნისიდან 19 ივლისის ჩათვლით გაიმართება და მასში მონაწილეობას 48 ნაკრები მიიღებს.