პირველად იბრას შემდეგ - ისაკი პრემიერ ლიგის დეკემბრის თვის საუკეთესო ფეხბურთელია!

პრემიერ ლიგაში, 2024 წლის დეკემბრის თვის საუკეთესო ფეხბურთელად, შვედეთის ეროვნული ნაკრებისა და "ნიუკასლის" 25 წლის ფორვარდი - ალექსანდ ისაკი დასახელდა.

ზლატან იბრაჰიმოვიჩის შემდეგ, ისაკი პირველი შვედი ფეხბურთელია, რომელმაც პრემიერ ლიგაში, თვის საუკეთესო ფეხბურთელის ჯილდო მიიღო.

25 წლის სკანდინავიელმა ფორვარდმა, დეკემბრის თვეში 6 ჩატარებულ მატჩში 8 გოლის გატანა და 2 საგოლე გადაცემის შესრულება შეძლო, რაც ძალიან შთამბეჭდავი სტატისტიკაა.

ისაკმა დეკემბერში შემდეგი გუნდების კარების აღება შეძლო:

• ლივერპულის წინააღმდეგ - 1 გოლი და 1 საგოლე გადაცემა

• ბრენტფორდის წინააღმდეგ - 1 გოლი

• ლესტერის წინააღმდეგ - 1 გოლი და 1 საგოლე გადაცემა

• იფსვიჩის წინააღმდეგ - 3 გოლი

• ასტონ ვილას წინააღმდეგ - 1 გოლი

• მანჩესტერ იუნაიტედის წინააღმდეგ - 1 გოლი.

პრემიერ ლიგაში 20 ჩატარებული ტურის შემდეგ, ალექსანდ ისაკი ბომბარდირთა დავაში მეოთხე პოზიციას 13 გატანილი გოლითა და 4 შედეგიანი გადაცემით იკავებს. ასევე 13 გოლი აქვს კოულ პალმერს, თუმცა პალმერის ანგარიშზე 6 საგოლე გადაცემაა.