ესპანელებმა ავსტრიასთან გამარჯვებით მუნდიალის 3 რეკორდი გაიმეორეს
.jpg)
ავსტრიის ნაკრებთან დამაჯერებელი გამარჯვებისა (3:0) და მსოფლიო ჩემპიონატის მერვედფინალში გასვლით, ესპანელებმა მუნდიალების ისტორიაში 3 რეკორდული მაჩვენებელი გაიმაორეს.
ესპანელებს მუნდიალზე ზედიზედ 5 მატჩია გოლი არ გაუშვიათ. მსოფლიო ჩემპიონატების ისტორიაში ასეთი ხანგრძლივი „მშრალი სერია“ აქამდე მხოლოდ ორ გუნდს ჰქონდა: იტალიას (1990 წელს) და შვეიცარიას (2006-2010 წლებში).
ამ ისტორიული მიღწევის მთავარი შემოქმედი გუნდის კარის დარაჯი, უნაი სიმონია. ბასკმა მეკარემ ლეგენდარული იტალიელი ვალტერ ძენგას (1990 წელი) მიღწევა გაიმეორა. ის გახდა მეორე მეკარე მუნდიალების ისტორიაში, რომელმაც ზედიზედ 5 შეხვედრაში შეძლო კარის მშრალად შენახვა.
ავსტრიის ნაკრებს კარის მიმართულებით ზუსტად ერთი დარტყმაც კი არ განუხორციელებია (0 დარტყმა კარში). მსოფლიო ჩემპიონატების პლეი-ოფის ეტაპზე ასეთი რამ ბოლო 12 წლის განმავლობაში არ მომხდარა. უკანასკნელად მსგავსი დომინაცია გერმანიის ნაკრებმა 2014 წლის მუნდიალის ფინალში, არგენტინის წინააღმდეგ შეძლო.
🇪🇸 You shall not pass! 🇪🇸
— Match of the Day (@BBCMOTD) July 2, 2026
🛡️ Spain haven't conceded in any of their last five World Cup games. The only other sides to keep five successive clean sheets at the finals are Italy (1990) and Switzerland (2006-2010)
🛡️ Unai Simon has the joint longest clean sheet run (5) by a… pic.twitter.com/dZxQZZqYs2
ესპანეთი მომდევნო ეტაპს ჩემპიონური ამბიციებით ხვდება. როგორც ჩანს, ამ გუნდის კარის გასაღების პოვნა მიმდინარე ტურნირზე შეუძლებელ მისიად იქცა.
რაც შეეხება მერვედფინალში ესპანეთის პოტენციურ მეტოქეს, ესპანელები პორტუგალიასა და ხორვატიას შორის გამარჯვებულს შეხვდებიან.
სხვა სტატიები
