ფლიკი: "ახლა ჩემს მომავალზე მსჯელობის დრო არ არის"

ევროპის ჩემპიონატის დასრულების შემდეგ იოაჰიმ ლიოვი გერმანიის ნაკრების მთავარი მწვრთნელის თანამდებობას დატოვებს. მას შემდეგ, რაც ლიოვის ბუნდესგუნდიდან წასვლის შესახებ ინფორმაცია ოფიციალურად დადასტურდა, მედიაში მის შემცვლელებზე აქტიურად დაიწყო მსჯელობა. გერმანიის ნაკრების მთავარი მწვრთნელის პოსტზე ლიოვის შემცვლელად პირველ კანდიდატად იურგენ კლოპი სახელდებოდა, რომელსაც "ლივერპულში" საქმეები კარგად არ მისდის. თუმცა, "წითლების" 53 წლის დამრიგებელმა განაცხადა, რომ მას მერსისაიდულ გუნდთან კონტრაქტი აკავშირებს და გერმანიის ნაკრების ჩაბარებისთვის მზად არ არის. გერმანიის ნაკრებს დაუკავშირეს მიუნხენის "ბაიერნის" მთავარი მწვრთნელი ჰანს ფლიკიც, რომელსაც "ბაიერნში" ბრწყინვალე სეზონი ჰქონდა. 56 წლის გერმანელმა სპეციალისტმა 2020 წელს "რეკორდმაისტერებს" ყველა ტიტული მოაგებინა. ჰანს-დიტერ ფლიკმა ჟურნალისტებთან საუბარში განაცხადა, რომ ის საკუთარ მომავალზე ჯერ არ ფიქრობს, რადგან ახლა ის აწმყოთია დაინტერესებული. ჟურნალისეტბთან საუბარში ფლიკმა განაცხადა:

"გუნდთან კონტრაქტი 2023 წლმადე მაკავშირებს ჩემი სურვილია, რომ წარამატებებს "ბაიერნთან" ერთად მივაღწიო და ტიტულები მოვიგო. ახლა ჩემს მომავალზე მსჯელობის დრო არ არის. ჩემთვის მნიშვნელოვანია ის, რაც ახლა ხდება. ჩემს გუნდს შემდეგი მატჩი "ვერდერთან" უწევს, სწორედ ამ თამაშზე მოვახდენ კონცენტრაციას. ჩემს მომავალთან დაკავშირებით გავრცელებული ხმები კი ჩემთვის პრობლემას არ წარმოადგენს".

ლიოვის ხელმძღვანელობით გერმანიის ნაკრებმა 189 შეხვედრა ჩაატარა, 120 მოიგო, 38 ფრედ დაასრულა და 31 შემთხვევაში დამარცხდა. მისი ხელმძღვანელობით ბუნდესნაკრები 2014 წელს მსოფლიოს ჩემპიონი, 2017-ში კი კონფედერაციის თასის გამარჯვებული გახდა. 2008 წელს გერმანიის ნაკრებმა ევროპის ვიცე-ჩემპიონობა მოიპოვა, 2-ჯერ კი მსოფლიოს ჩემპიონატზე მესამე ადგილი დაიკავა. იოაჰიმ ლიოვი გერმანიის ნაკრების მთავარი მწვრთნელი 2006 წელს გახდა. რაც შეეხება ჰანსი ფლიკს, მისი გუნდი ბუნდესლიგის მიმდინარე სეზონში 24 ჩატარებული შეხვედრის შემდეგ სატურნირო ცხრილში 55 ქულით პირველ პოზიციას იკავებს, თუმცა მეორე ადგილთან სხვაობა მხოლოდ 2 ქულაა. ფლიკის გუნდს თითქმის განაღდებული აქვს ჩემპიონთა ლიგის მეოთხედფინალში ასპარეზობა. "ბაიერნმა" ჩემპიონთა ლიგის მერვედფინალური დაპირისპირების პირველი შეხვედრა სტუმრად რომის "ლაციოსთან" ანგარიშით 1:4 მოიგო. იტალიელებს შემდეგ ეტაპზე გასასვლელად სასწაულის მოხდენა დასჭირდებათ, თუმცა თითქმის გამორიცხულია, რომ მიუნხენურმა გრანდმა ამხელა უპირატესობა გაანიავოს.

ფლიკი: "ახლა ჩემს მომავალზე მსჯელობის დრო არ არის"

სხვა სტატიები