ფენერბახჩემ ედინ ჯეკო გაიფორმა

,,ინტერის'' ყოფილი თავდამსხმელი, ედინ ჯეკო კარიერას ,,ფენერბახჩეში'' გააგრძელებს. ინფორმაციას თურქული გუნდის ოფიციალური ვებგვერდი ავრცელებს.

37 წლის ფეხბურთელმა, რომელიც ახალ კლუბს თავისუფალი აგენტის სტატუსით შეუერთდა, ,,ფენერბახჩესთან'' 2-წლიანი ხელშეკრულება გააფორმა. მისი ანაზღაურება სეზონში 4,2 მილიონი ევრო იქნება.

ჯეკომ გასულ სეზონში ,,ინტერის'' მაისურით ჩატარებულ 52 შეხვედრაში 14 გოლი გაიტანა და 5 საგოლე გადაცემა მიითვალა.