ფეხბურთის მეფეს ჭადრაკის დედოფლისგან - მესის გაფრინდაშვილი სიმბოლურ, სამეფო საჩუქარს გადასცემს

„რაც მესისგან საჩუქრად მაისურა მივიღე, იმის შემდეგ ვფიქრობდი, საპასუხოდ რა საჩუქარი შემერჩია. მჯეროდა, რომ „კოპა ამერიკას“ მოიგებდა და მინდოდა, გამარჯვება განსაკუთრებულად მიმელოცა. ამ დროს დამიკავშირდნენ „ზარაფხანიდან“ და მითხრეს, რომ მოოქროვილი სამეფო ჭადრაკის დამზადება სურდათ, რაც ჩემთვის დიდი სიურპრიზი იყო. ეს იქნება არა ჩემი, არამედ საქართველოს სახელით გაგზავნილი საჩუქარი, სადაც 2015 წელს ევროპის სუპერთასზე ითამაშა და მთელი სტადიონი ყვიროდა „მესი! ბარსა!“. ვფიქრობ, ეს სიმბოლური საჩუქარია და მთელი ცხოვრება დაამახსოვრდება“.

„როდესაც გავიგეთ, რომ ქალბატონი ნონა ლიონელ მესისთვის საჩუქრის გადაცემას აპირებდა, კომპანიაში ყველა ამაზე ვფიქრობდით, დაგვემზადებინა ორიგინალური საჩუქარი და მიხარია, რომ ქალბატონი ნონა გახარებული დარჩა. ყველა ფიგურა ხელნაკეთი და მოოქროვილია, იმიტომ, რომ ფეხბურთის მეფეს ჭადრაკის დედოფალმა ღირსეული საჩუქარი უნდა გადასცეს“.

„ზოგადად, ჭადრაკის საერთაშორისო დღე მადლიერების დღესავით აღინიშნება. ნონას კი სურდა, რომ მესისთვის საპასუხოდ ღირსეულად მიელოცა „კოპა ამერიკაზე“ გამარჯვება, რაშიც „ზარაფხანა“ ასეთი შესანიშნავი ნაკეთობით დაეხმარა“.

„ეს ისეთი შესანიშნავი საჩუქარია, დარწმუნებული ვარ, მესის მოეწონება და ქართული სამეფო ჭადრაკით არაერთ პარტიას ითამაშებს“.

წყარო: 1tv.ge