პეპემ ჩემპიონთა ლიგის ყველა დროის რეკორდი დაამყარა
ჩემპიონთა ლიგის H ჯგუფის მეოთხე ტურის მატჩში, "პორტომ" "ანტვერპენს" უმასპინძლა და 2:0 დაამარცხა.
ეს მატჩი კი ისტორიული აღმოჩნდა პორტუგალიის ეროვნული ნაკრებისა და "პორტოს" 40 წლის მცველი - პეპესთვის, რომელმაც ჩემპიონთა ლიგის რეკორდი დაამყარა.
კერძოდ კი, პეპე ჩემპიონთა ლიგის ისტორიაში ყველაზე ასაკოვანი ფეხბურთელი გახდა (40 წლისა და 254 დღის), რომელმაც გოლის გატანა შეძლო.
At 40 years old, Pepe becomes the oldest player to score in the Champions League 🍷 pic.twitter.com/qmdqm63Y5K
— B/R Football (@brfootball) November 7, 2023
აქამდე ეს რეკორდი ლეგენდარულ რომაელს - ფრანჩესკო ტოტის ეკუთვნოდა, რომელმაც 2014 წელს 38 წლისა და 59 დღის ასაკში "ცსკას" გაუტანა.
ჩემპიონთა ლიგაზე, 4 განვლილი ტურის შემდეგ, H ჯგუფს "ბარსელონა" და "პორტო" 9-9 ქულით ლიდერობენ, მესამე პოზიციას კი "შახტარი" 6 ქულით იკავებს. ჯგუფში უქულოდ ბოლო ადგილზე "ანტვერპენი" იმყოფება.
სხვა სტატიები
