პარი სენ ჟერმენმა ლუკას ერნანდესი გაიფორმა
9 თვის წინ
ფეხბურთი
1 წთ
საფრანგეთის ეროვნული ნაკრების მცველი, ლუკას ერნანდესი კარიერას ,,პარი სენ ჟერმენში'' გააგრძელებს.
პარიზული გუნდის ვებგვერდის ინფორმაციით, 27 წლის ფეხბურთელმა ,,პსჟ-სთან'' კონტრაქტი 2028 წლის ზაფხულამდე გააფორმა.
,,ნამდვილად აღფრთოვანებული ვარ! ,,პსჟ-ში გადმოსვლას დიდი ხანია ველი და საბოლოოდ ეს მოხდა. ეს ჩემთვის განსაკუთრებული დღეა და აქ ყოფნით ძალიან ბედნიერი ვარ,'' - განაცხადა ერნანდესმა.
როგორც ფრანგულ მედიაში იწერება, ,,პარი სენ ჟერმენმა'' მცველის სანაცვლოდ ,,ბაიერნს'' 50 მილიონ ევრომდე გადაუხადა.
გასულ სეზონში ერნანდესმა ,,რეკორდმაისტერის'' მაისურით ჩატარებულ 11 შეხვედრაში 1 გოლი გაიტანა და 1 საგოლე გადაცემა მიითვალა.
🔴 #WelcomeHernández 🔵 pic.twitter.com/o7g9Gxei3C
— Paris Saint-Germain (@PSG_inside) July 9, 2023