კოლო მუანი კარიერას პარი სენ ჟერმენში გააგრძელებს

,,პარი სენ ჟერმენი'' ,,აინტრახტს'' რანდალ კოლო მუანის ტრანსფერზე შეუთანხმდა. ინფორმაციას ფაბრიციო რომანო ავრცელებს.

როგორც იტალიელი ჟურნალისტი წერს, პარიზულ კლუბს ფეხბურთელის ტრანსფერი 75 მილიონი ევრო დაუჯდება, რასაც 15 მილიონი ბონუსების სახით დაემატება.

24 წლის თავდამსხმელმა ,,პსჟ-ში'' სამედიცინო შემოწმება უკვე გაიარა.

კოლო მუანიმ გასულ სეზონში ,,აინტრახტის'' მაისურით ჩატარებულ 46 შეხვედრაში 23 გოლი გაიტანადა 17 საგოლე გადაცემა მიითვალა.