პარი სენ-ჟერმენი ბაიერნთან სპეციალური მაისურით ითამაშებს

ბაიერნი UEFA-ს ჩემპიონთა ლიგის 1/2-ფინალური ეტაპის საპასუხო მატჩში, პარი სენ-ჟერმენს უმასპინძლებს - პრინციპული მატჩი, რომელიც ევროპის უპრესტიჟულესი საკლუბო ტურნირის ფინალისტს გამოავლენს, 6 მაისს, 23:00 საათზე, ალიანს არენაზე გაიმართება.

პარი სენ-ჟერმენი რეკორდმაისტერთან გასამართ მატჩში სპეციალური (Paris night edition x Jordan) მე-5 მაისურით გავა მოედანზე. პარიზელები ჩემპიონთა ლიგის მიმდინარე სეზონის პლეი-ოფში აღნიშნული მაისურით უკვე ვიხილეთ, როდესაც ჩელსი დაამარცხეს.

შეგახსენებთ, რომ პარი სენ-ჟერმენსა და ბაიერნს შორის პარიზში გამართული სანახაობრივი დაპირისპირება ფრანგული გრანდის გამარჯვებით, 5:4 დასრულდა. ხვიჩა კვარაცხელიამ აღნიშნულ მატჩში დუბლი გაიფორმა.