ოთარ კიტეიშვილი ავსტრიის ბუნდესლიგის 31-ე ტურის საუკეთესო მოთამაშედ დასახელდა

ავსტრიის ბუნდესლიგის 31-ე ტურის საუკეთესო მოთამაშედ ოთარ კიტეიშვილი დასახელდა, ქართველი ფეხბურთელი გულშემატკივრებმა აირჩიეს, რომელიც ავსტრიულ გამოცემა ligaportal-ზე ხორციელდებოდა. კიტემ ხმების 31.1% დაიმსახურა, რაც საკმარისი აღმოჩნდა იმისთვის, რომ ტურის საუკეთესო გამხდარიყო. ოთარ კიტეიშვილმა "ლასკთან" დუბლი შეასრულა და თავის გუნდს ქულის მოპოვებაში დაეხმარა (2:2).

ავსტრიული გამოცემა ოთარ კიტეიშვილის ასპარეზობას და ბრწყინვალე სეზონს ეხმაურება:

ოთარ კიტეიშვილი გრაცის "შტურმში" 2018 წლის ზაფხულიდან ასპარეზობს, მან ავსტრიულ გუნდში უკვე 185 თამაში ჩაატარა, 40 გოლი გაიტანა და 33 საგოლე გადაცემა გააკეთა. ქართველ ფეხბურთელს შეუძლია პირველად მოიგოს ავსტრიის ბუნდესლიგის მთავარი ტიტული, გასათვალისწინებელია ის ფაქტიც, რომ კიტეს კონტრაქტი ივნისში ეწურება და შესაძლოა ეს მიღწევა ავსტრიულ გუნდში ბოლო იყოს, რადგან ჯერ ჯერობით უცნობია გაახანგრძლივებს თუ არა.