ოსიმენის აგენტი: "ეს ფეხბურთელის შეურაცხყოფაა - შეიძლება სამართლებრივ ზომებს მივმართოთ"

ბოლო პერიოდის განმავლობაში, "ნაპოლიში" არსებული პრობლემები როგორც მოედანზე, ისე მოედნის მიღმა თვალშისაცემი და შესამჩნევი გახდა.

გუნდის ორი მთავარი ლიდერი და ოქროს ბურთის 30 ნომინანტს შორის მყოფი ფეხბურთელი, ქართველი ხვიჩა კვარაცხელია და ნიგერიელი ვიქტორ ოსიმენი მთავარი მწვრთნელის, რუდი გარსიას ხშირად აუხსნელი და ალოგიკური გადაწყვეტილებებით, არასაკმარის სათამაშო დროს იღებენ, თანაც გადამწყვეტ მომენტებში. ეს გუნდის შედეგებზეც აისახება და თავად მოთამაშეებიც უკმაყოფილებას გამოხატავენ.

ამ ყველაფრის ფონზე, "ნაპოლის" ოფიციალურმა გვერდმა სოციალურ ქსელ Tik-Tok-ზე ვიდეოები გაავრცელა, რომელიც სერია A-ს წინა სეზონის საუკეთესო ბომბარდირის მიმართ დამამცირებელ ხასიათს ატარებდა, რასაც მისი და მისი წარმომადგენლების მხრიდან ავთენტური რეაქცია მოჰყვა.

მოგვიანებით ვიდეოები წაიშალა, თუმცა ამას საპასუხო რეაქცია მაინც მოჰყვა, ფეხბურთელმა სოციალური ქსელიდან "ნაპოლისთან" დაკავშირებული მასალის უდიდესი ნაწილი წაშალა, მისმა აგენტმა კი თქვა, რომ საქმე შესაძლოა სასამართლომდე მივიდეს.

"ნაპოლის" სერია A-ში 5 ტურის შემდეგ 8 ქულა აქვს დაგროვებული და მეშვიდე ადგილს იკავებს. შემდეგ მატჩს "ნაპოლი" 27 სექტემბერს "უდინეზეს" წინააღმდეგ საშინაო კედლებში გამართავს.