"ოქროს ბურთის მოსაგებად არავის შევეხვეწები" | იამალმა მბაპესა და დემბელეს შეუტია

ლამინ იამალმა, ჩემპიონთა ლიგის მატჩის წინა პრეს კონფერენციაზე, ოქროს ბურთის მოგების შანსებზე ისაუბრა. ახალგაზრდა ფეხბურთელი მიიჩნევს, რომ ოქროს ბურთის მოგების რეალური შანსი აქვს, მაგრამ ამისთვის, პირად კამპანიას არ წამოიწყებს და ხმის მიცემას არავის შეეხვეწება. ოქროს ბურთზე საუბრისას, მსოფლიო ჩემპიონმა აღნიშნა, რომ საბოლოო გადაწყვეტილება სხვებზეა დამოკიდებული და მისი შანსები ბარსელონასა და ესპანეთის ნაკრებში ნაჩვენები შედეგებით განისაზღვრება.

თინეიჯერი ფეხბურთელი მხოლოდ საკუთარი შანსების აღიარებით არ შემოიფარგლა. მან მკაფიოდ მიანიშნა, თუ როგორ უდგება ოქროს ბურთისთვის ბრძოლას და უარი თქვა ხმის მისაღებად, პირადი კამპანიის დაწყებაზე. ამით, მან, მბაპესგან განსხვავებული პოზიცია დაფიქსირა, რომელმაც განაცხადა, რომ ჯილდოს ყველაზე მეტად იმსახურებს.

რაც შეეხება დემბელეს, მან იამალი ოქროს ბურთის კანდიდატთა სიაში არ შეიყვანა. როდესაც ახალგაზრდა ფეხბურთელს ფრანგის ამ გადაწყვეტილებაზე ჰკითხეს, მან სარკასტულად უპასუხა და ხაზი გაუსვა მბაპესა და დემბელეს შორის მეგობრობას.

იამალი, მბაპეს და დემბელეს, ბოლოს, მსოფლიო ჩემპიონატის ნახევარფინალში შეხვდა, სადაც ესპანეთმა, საფრანგეთი 2:0 დაამარცხა და შემდეგ, ისტორიაში მეორედ, ტურნირის ჩემპიონიც გახდა.