ოქროს ბურთის დაჯილდოების ცერემონიალზე მესიმ ლაპორტასთან ერთად ფოტო არ გადაიღო

,,ოქროს ბურთის'' დაჯილდოების ცერემონიალზე ლეო მესიმ ,,ბარსელონას'' პრეზიდენტთან, ჟოან ლაპორტასთან ერთად სურათის გადაღებაზე უარი თქვა. ინფორმაციას Cope ავრცელებს.

წყაროს ცნობით, ლაპორტას ფოტოს გადაღება ,,ოქროს ბურთის'' ორ გამარჯვებულთან - მესისთან და აიტანა ბონმატისთან ერთად სურდა, თუმცა არგენტინელმა ამაზე კატეგორიული უარი განაცხადა.

ლეომ, ასევე, ჟურნალისტის - ჟერარ რომეროს მიერ გავრცელებულ ინფორმაციას იმის შესახებ, რომ, თითქოს, მესი ლაპორტას შეხვდა, ტყუილი უწოდა, რის შემდეგაც ინსაიდერმა ბოდიში მოიხადა.