ოფიციალურად | სერხიო რამოსი მონტერეის ფეხბურთელია

ესპანეთის ეროვნული ნაკრებისა და "სამეფო კლუბის" ლეგენდამ, 38 წლის სერხიო რამოსმა, მექსიკურ კლუბ "მონტერეისთან" კონტრაქტს მოაწერა ხელი და კლუბს თავისუფალი აგენტის სტატუსით ოფიციალურად შეუერთდა.

ლეგენდარული მცველი, მექსიკის 5-გზის ჩემპიონ კლუბში 93 ნომრიანი მაისურით იასპარეზებს - ეს ნომერი კი მან იმის საპატივცემულოდ აიღო, რომ 2014 წლის ჩემპიონთა ლიგის ფინალში, მადრიდის "ატლეტიკოს" დამატებით დროში, კერძოდ კი მატჩის 93-ე წუთზე გაუტანა და მადრიდის "რეალს" მე-10 ჩემპიონთა ლიგის ტიტულის მოგებაში დაეხმარა.

ამ ფაქტს თავად "სამეფო კლუბი" სოციალურ ქსელში გამოეხმაურა.

სერხიო რამოსი "სამეფო კლუბში" 2004/2005 წლების სეზონიდან 2021 წლის ჩათვლით თამაშობდა. მან ამ კლუბის მაისურით 671 მატჩი ჩაატარა, სადაც 101 გოლის გატანა და 40 საგოლე გადაცემის შესრულება შეძლო.

38 წლის მცველმა "რეალის" მაისურით 4-ჯერ შეძლო ჩემპიონთა ლიგის, 3-ჯერ უეფას სუპერ თასის, 4-ჯერ ფიფას მსოფლიო საკლუბო ჩემპიონატის, 5-ჯერ ლა ლიგის, 4-ჯერ ესპანეთის სუპერთასის და 2-ჯერ ესპანეთის თასის გამარჯვებული გახდა, დანარჩენი კი უბრალოდ ძალიან დიდი ისტორიაა.

"რეალის" დატოვების შემდეგ, სერხიო რამოსი "პსჟ"-ში გადავიდა, მოგვიანებით კი "სევილიაში" დაბრუნდა, რომელიც გასულ სეზონში დატოვა.

გარდა საკლუბო ფეხბურთისა, სანაკრებო დონეზე, სერხიო რამოსს ესპანეთის ნაკრებში 180 მატჩი აქვს ჩატარებული და 2-გზის ევროპის ჩემპიონია, 2010 წელს კი მსოფლიო ჩემპიონი გახდა.