მბაპე: "ნეიმარის გარეშე მსოფლიო ჩემპიონატი ვერ წარმომიდგენია..."
ბრაზილიის ეროვნული ნაკრების მთავარმა მწვრთნელმა, კარლო ანჩელოტიმ, მარტში ჩანიშნული ამხანაგური შეხვედრებისთვის 26-კაციანი შემადგენლობა დაასახელა.
განაცხადში ვერ მოხვდა ნეიმარი, რომელზეც ბრაზილიურ მედიაში იწერებოდა, რომ ანჩელოტი მის გამოძახებას აპირებდა, თუმცა შემდეგ გადაიფიქრა.
ნეიმარის ნაკრებში არ გამოძახების შესახებ, მისმა ყოფილმა თანაგუნდელმა - კილიან მბაპემ ისაუბრა.
„ნეიმარი ნეიმარია. მსოფლიო ჩემპიონატზე თამაში ვარსკვლავებს ეკუთვნის. ჩემი აზრით, ნეიმარი ერთ-ერთი უდიდესი ვარსკვლავია.
სიმართლე გითხრათ, მსოფლიო ჩემპიონატი ნეიმარის გარეშე ვერ წარმომიდგენია, მაგრამ ჩემს ყოფილ მწვრთნელს - კარლო ანჩელოტისაც ვერ ვეწინააღმდეგები.
მე ძალიან მიყვარს ის და დარწმუნებული ვარ, რომ ის თავად მოემზადება და მსოფლიო ჩემპიონატზე იქნება..." - კილიან მბაპე
“Neymar é Neymar. A Copa do Mundo é das estrelas. E, no meu livro, Neymar é uma das maiores estrelas. Não vejo uma Copa sem Neymar, mas não posso ir contra meu ex-treinador.”
— Planeta do Futebol 🌎 (@futebol_info) March 25, 2026
“Conheço o Neymar. Ele vai se preparar e estará na Copa.”
🎙️ Mbappé
🎥 @geglobo pic.twitter.com/fpTGknXnKn
ბრაზილიის ნაკრები 27 მარტს საფრანგეთს შეხვდება, 31-ში ღამით კი - ხორვატიას.
მსოფლიო ჩემპიონატზე კი, ბრაზილიის ნაკრების მეტოქეები: მაროკო, ჰაიტი და შოტლანდია იქნებიან.
სხვა სტატიები
