Belive

ოფიციალურად | რომელუ ლუკაკუმ სანაკრებო კარიერა დაასრულა

2 დღის წინ ფეხბურთი
2 წთ

ბელგიური ფეხბურთის ისტორიაში ერთ-ერთმა უდიდესმა ფიგურამ, 33 წლის ფორვარდმა რომელუ ლუკაკუმ ეროვნული გუნდიდან წასვლის შესახებ ოფიციალურად განაცხადა.

„წითელი ეშმაკების“ ყველა დროის საუკეთესო მეგოლემ კარიერა ფენომენალური სტატისტიკით დაასრულა - ლუკაკუმ ბელგიის მაისურით ჩატარებულ 135 მატჩში 94 გოლი გაიტანა და ევროპული ფეხბურთის ისტორიაშიც ერთ-ერთ გამორჩეულ ბომბარდირად დამკვიდრდა. მისი წასვლა გუნდისთვის დანაკლისთან ერთად, მთელი იმ 'ოქროს თაობის' დასასრულს ნიშნავს.

ლუკაკუს დებიუტი ბელგიის მთავარ ნაკრებში ჯერ კიდევ 2010 წლის მარტში, ძალიან ახალგაზრდა ასაკში შედგა. მიუხედავად იმისა, რომ ბელგიელთა „ოქროს თაობასთან“ ერთად ტიტულის მოგება (მსოფლიო ჩემპიონატის ბრინჯაოს მედალს თუ არ ჩვევთვლით) ვერ მოახერხა, მისმა სახელმა სამუდამოდ დაიმკვიდრა თავი ბელგიური ფეხბურთის ისტორიაში. ის წლების განმავლობაში იყო ნაკრების მთავარი მატარებელი ძალა და ის მოთამაშე, რომელსაც ყველაზე მძიმე მომენტებშიც კი შეეძლო მატჩის ბედის შემოტრიალება.

რომელუ ლუკაკუს სანაკრებო გზა სავსე იყო როგორც ტრიუმფებით, ისე ემოციური წუთებით, თუმცა მისმა გოლებმა ბელგია მსოფლიოსა და ევროპის ჩემპიონატების მუდმივ ფავორიტთა შორის დაამკვიდრა. მიუხედავად იმისა, რომ 33 წლის ფორვარდი საკლუბო დონეზე ასპარეზობას აგრძელებს, მისი ეროვნული გუნდიდან წასვლა ნამდვილად ტოვებს იმ უზარმაზარ სიცარიელეს, რომლის შევსებაც ბელგიური ფეხბურთისთვის ადვილი ნამდვილად არ იქნება.

სხვა სტატიები