Belive

8 წლიანი ისტორიის დასასრული | მორიასუმ იაპონიის ნაკრები დატოვა

16 საათის წინ ფეხბურთი
1 წთ

2018 წელს დაწყებული დაუვიწყარი მოგზაურობა დასრულდა - 8 წელზე მეტი ხნის განმავლობაში ჰაჯიმე მორიასუ „სამურაის“ უძღვებოდა და იაპონური ფეხბურთის ისტორიაში ერთ-ერთი ყველაზე წარმატებული და გამორჩეული ისტორია დაწერა. მისი ხელმძღვანელობით გუნდმა არაერთი ისტორიული გამარჯვება მოიპოვა, რთული გამოწვევები გადალახა და მსოფლიო მასშტაბით თავი მყარად დაიმკვიდრა, როგორც პლანეტის ერთ-ერთმა ძლიერმა და მებრძოლმა ნაკრებმა.

მორიასუს მწვრთნელობის პერიოდში ყველაზე კაშკაშა მომენტად 2022 წლის მსოფლიო ჩემპიონატი იქცა, სადაც იაპონიამ ჯგუფურ ეტაპზე გერმანიისა და ესპანეთის წინააღმდეგ სენსაციური გამარჯვებები მოიპოვა და ტურნირის მერვედფინალში გავიდა. მტკივნეული მარცხების სიმწარე თუ ისტორიული ტრიუმფების სიხარული - იაპონელი სპეციალისტი მუდამ ბოლომდე ერთგული რჩებოდა იდეისა, რომ იაპონური ფეხბურთი სრულიად ახალ საფეხურზე აეყვანა.

იაპონიის ეროვნული გუნდის მთავარი მწვრთნელის რანგში მორიასუს საბოლოო და შთამბეჭდავი სტატისტიკა ასეთია:

  • 113 ჩატარებული მატჩი

  • 77 გამარჯვება

  • 17 ფრე

  • 19 მარცხი

'მადლობა ყველაფრისთვის, მწვრთნელო მორიასუ - იაპონური ფეხბურთი თქვენი ხელმძღვანელობით სრულიად ახალ რეალობაში ცხოვრობს.' - ვკითხულობთ იაპონიის ფეხბურთის ფედერაციის ოფიციალურ განცხადებაში.

სხვა სტატიები