ოფიციალურად - რასპადორი ატლეტიკოს ფეხბურთელია

25 წლის იტალიელი შემტევი, ჯაკომო რასპადორი ატლეტიკოს ფეხბურთელია. როხიბლანკომ რასპადორის ტრანსფერი ოფიციალურად დაადასტურა.

ესპანურ და იტალიურ კლუბებს შორის მიღწეული შეთანხმებით, ნაპოლი 22 მილიონ ევროს მიიღებს, რომელსაც ბონუსების სახით კიდევ 4 მილიონი დაემატება. რაც შეეხება რასპადორის - შემტევმა ატლეტიკოსთან 5 წლიანი კონტრაქტი გააფორმა და ანაზღაურების სახით, წელიწადში 3 მილიონ ევროს მიიღებს.

რასპადორიმ სერია A-ს გასულ სეზონში ნაპოლის მაისური 26 მატჩში მოირგო, სადაც 6 გოლის გატანა და 1 საგოლე გადაცემის შესრულება შეძლო.