ოფიციალურად: ლუჩიანო სპალეტი იტალიის ნაკრების მთავარი მწვრთნელია
ლუჩიანო სპალეტიმ იტალიის ფეხბურთის ფედერაციასთან კონტრაქტი გააფორმა, ტოსკანელი სპეციალისტი "სკუადრა აძურას" მიმდინარე წლის 1 სექტემბერს ჩაიბარებს და 2026 წლის მსოფლიო ჩემპიონატის ბოლომდე გაწვრთნის.
იტალიური ფეხბურთის მმართველი ორგანოს განცხადებით, ლუჩიანოს წარდგენა კოვერჩიანოს საწვრთნელ ბაზაზე ჩრდილოეთ მაკედონიასთან და უკრაინასთან გასამართი მატჩების წინ მოხდება.
ამ ამბავს წინ აურელიო დე ლაურენტისთან დავა უძღოდა, შეგახსენებთ, რომ სპალეტიმ ნაპოლი იმ პირობის სანაცვლოდ დატოვა, რომ იგი მიმდინარე სეზონში სხვა გუნდს აღარ ჩაიბარებდა, წინააღმდეგ შემთხვევაში კი 64 წლის სპეციალისტს 3 მილიონი ევრო უნდა გადაეხადა, თუმცა იტალიის ფეხბურთის ფედერაციის ადვოკატებმა განაცხადეს, რომ ეს აკრძალვა მხოლოდ ნაპოლის კონკურენტებს შეეხებოდა და არა ეროვნულ ნაკრებს.
ზოგიერთი წყაროს ცნობით კი ამ თანხას "ნაპოლი" ფეხბურთის ფედერაციისგან მიიღებს
მივესალმებით სპალეტის, ნაკრებს დიდი მწვრთნელი ესაჭიროებოდა, და მოხარულნი ვართ რომ იგი დაგვთანხმდა. ვფიქრობთ, რომ მისი კომპეტენცია და ენთუზიაზმი ფუნდამენტალური იქნება იმ გამოწვევებისთვის, რაც მომავალ თვეებში გველის - განაცხადა იტალიის ფეხბურთის ფედერაციის პრეზიდენტმა, გაბრიელე გრავინამ
შეგახსენებთ, რომ ბოლოს ლუჩიანო სპალეტი "ნაპოლის" წვრთნიდა და კლუბთან ერთად 2022/23 წლების სეზონში სკუდეტოც მოიგო.
⚽️ 𝗟𝘂𝗰𝗶𝗮𝗻𝗼 𝗦𝗽𝗮𝗹𝗹𝗲𝘁𝘁𝗶 è il nuovo 𝗖𝗧 della #Nazionale 🇮🇹
— Nazionale Italiana ⭐️⭐️⭐️⭐️ (@Azzurri) August 18, 2023
🗣 Gravina: "Il suo entusiasmo e la sua competenza saranno fondamentali"
📄 Il comunicato 👉🏻 https://t.co/mnthIscXWw#Spalletti #Azzurri #VivoAzzurro pic.twitter.com/aw8yT4TVML
სხვა სტატიები
