ოფიციალურად | ბონო ალ ჰილალის ფეხბურთელია

საუდის არაბულმა "ალ ჰილალმა" მაროკოს ნაკრების მეკარე - ბონო დაიმატა. ტრანსფერი კლუბმა ოფიციალურად უკვე დაადასტურა. 

32 წლის მეკარემ "სევილია" 4-წლიანი კარიერის შემდეგ დატოვა და საუდის არაბულ კლუბში $23 მილიონი დოლარის სანაცვლოდ გადავიდა. 

ბონო ხელფასის სახით წლის განმავლობაში €12 მილიონ ევროს მიიღებს და კლუბში 2026 წლის ჩათვლით დარჩება. მაროკოელი მეკარე "ალ ჰილალში" 37 ნომრიანი მაისურით იასპარეზებს. 

შეგახსენებთ, რომ "ალ ჰილალმა" ამ სატრანსფერო ფანჯარაზე: ბონო, კალიდუ კულიბალი, რუბენ ნევეში, სერგეი მილინკოვიჩ-სავიჩი, ნეიმარი და მალკომი დაიმატა. 

მედიაში გავრცელებული ინფორმაციის თანახმად, "ალ ჰილალის" შემდეგი ტრანსფერი - ალექსანდრ მიტროვიჩი იქნება, რომელიც ახლა "ფულემის" ღირსებას იცავს.