ნკუნკუს დუბლი - მილანი სერია A-ში გალიდერდა

იტალიის სერია A-ს მე-17 ტურში მილანი აუტსაიდერ ვერონას დაუპირისპირდა და 3 უპასუხო გოლი გაუტანა.

პირველი ტაიმის მიწურულს გოლი კრისტიან პულიშიჩმა გაიტანა, მეორე ტაიმის სტარტზე კი თავი კრისტოფერ ნკუნკუმ გამოიჩინა (დუბლი) და ტაბლოზე საბოლოო ანგარიში დააფიქსირა. აღსანიშნავია, რომ ნკუნკუმ სერია A-ს მიმდინარე სეზონში პირველად გაიტანა.

ვერონასთან მოპოვებული დამაჯერებელი გამარჯვებით როსონერიმ 35 ქულა დააგროვა და სერია A-ს სატურნირო ცხრილს ჩაუდგა სათავეში, თუმცა მეორეადგილოსან ინტერს 33 ქულა და 1 თამაშით ნაკლები აქვს ჩატარებული.