ნაპოლიმ იესპერ ლინდსტრომი იჯარით გაიფორმა

ფრანკფურტის ,,აინტრახტის'' ნახევარმცველი, იესპერ ლინდსტრომი, მიმდინარე სეზონს იჯარით ,,ნაპოლიში'' გაატარებს.

ფაბრიციო რომანოს ცნობით, ნეაპოლელებმა იჯარაში 5 მილიონი ევრო გადაიხადეს. ხელშეკრულების თანახმად, ,,ნაპოლის'' სეზონის ბოლოს დანიელის 20 მილიონ ევროდ გამოსყიდვის უფლება ექნება.

გასულ სეზონში ლინდსტრომმა ,,აინტრახტის'' მაისურით ჩატარებულ 38 შეხვედრაში 9 გოლი გაიტანა და 4 საგოლე გადაცემა მიითვალა.