ზირკზე და 30 მილიონი - იუნაიტედს ნაპოლისთვის შეთავაზება აქვს

"მანჩესტერ იუნაიტედი" მზადაა ვიქტორ ოსიმენის დასამატებლად, გარიგებაში ჯოშუა ზირკზე ჩართოს. გაზეთი Il Mattino-ს ცნობით, იუნაიტედმა ნაპოლის ნიდერლანდელი ფორვარდი და დამატებით 30 მილიონი ევრო შესთავაზა იმ პირობით, თუ ვიქტორ ოსიმენი მათი საკუთრება გახდება.

ნეაპოლელების პრეზიდენტი აურელიო დე ლაურენტისი ეწინააღმდეგება გაცვლას და განიხილავს ოსიმენის გაყიდვას მხოლოდ იმ შემთხვევაში, თუ სრული თანხა გადაიხდება. გავრცელებული ინფორმაციით, ნაპოლი მზად არის "გალათასარაიში" იჯარით მოთამაშე ნიგერიელში იანვარში 81 მილიონი აიღოს, ხოლო მიმდინარე სეზონის ბოლოს 75 მილიონად შეელიოს. გარიგებაში მნიშვნელოვანია ოსიმენის ხელფასიც, რომელიც წელიწადში დაახლოებით 12 მილიონ ევროს შეადგენს.

ზირკზე მანჩესტერ იუნაიტედში "ბოლონიადან" 42,5 მილიონ ევროდ გადავიდა, პრემიერლიგის 11 მატჩში ნიდერლანდელმა 1 გოლი გაიტანა და საგოლე გადაცემა გააკეთა.