ნაპოლიმ ჰამედ ტრაორე გაიფორმა

,,ნაპოლიმ'' ,,ბორნმუთიდან'' კოტ-დ'ივუარის ნაკრების შემტევი, ჰამედ ტრაორე იჯარით, მიმდინარე სეზონის ბოლომდე გაიფორმა.

იტალიური მედიის ცნობით, ნეაპოლელებს ფეხბურთელის 25 მილიონ ევროდ გამოსყიდვის უფლება ექნებათ.

23 წლის ნახევარმცველს ,,ემპოლისა'' და ,,სასუოლოს'' შემადგენლობაში სერია A-ში 140 შეხვედრა აქვს ჩატარებული, მის ანგარიშზე იტალიის ჩემპიონატში 18 გოლია.

ტრაორემ მიმდინარე სეზონში ,,ბორნმუთის'' მაისურით სულ 6 მატჩი ჩაატარა და 1 გოლი გაიტანა.

ეს ზამთრის სატრანსფერო ფანჯრის პერიოდში ,,ნაპოლის'' მეორე ტრანსფერია - ,,პარტენოპეიმ'' რამდენიმე დღის წინ, ,,სალერნიტანადან'' პასკუალე მაცოკი იყიდა.