მუსიალას თამაშის დროს გული წაუვიდა

მიუნხენის ბაიერნისა და ლაიფციგის სეზონისწინა ამხანაგური შეხვედრისას, გაუსაძლისი სიცხის გამო, ჯამალ მუსიალას გული წაუვიდა.

ახალგაზრდა ვარსკვლავის შეუძლოდ ყოფნა პირველმა მისმა თანაგუნდელმა, ისმაელ საიბარიმ შეამჩნია. მან სწრაფი სპრინტით მიასწრო და მუსიალა ხელით დაიჭირა, სანამ იგი მინდორზე უგონოდ დაეცემოდა.

ამ ეპიზოდამდე სულ რაღაც ორი წუთით ადრე, სწორედ ამ წყვილის კომბინაციით გაიტანა ბაიერნმა მატჩის ბოლო გოლი - საიბარის საგოლე გადაცემით მუსიალამ ანგარიში 3:1 გახადა.

23 წლის ფეხბურთელისთვის მატჩი 83-ე წუთზე დასრულდა, როდესაც 33-გრადუსიანმა სიცხემ თავისი გაიტანა. კადრებში ჩანდა, რომ გოლის შემდეგ, თამაშის განახლების მოლოდინში, მუსიალა თავბრუსხვევასა და დეზორიენტაციას უჩიოდა.

მოედანზე სამედიცინო პერსონალი სასწრაფოდ შევარდა. მუსიალა მინდორზე უძრავად იწვა, სანამ ექიმები პირველად დახმარებას უწევდნენ, ბაიერნის ფეხბურთელები კი მის გარშემო იყვნენ შეკრებილნი. სტადიონზე შვებით მაშინ ამოისუნთქეს, როდესაც მედიკოსებმა ნიშანი მოგვცეს, რომ ყველაფერი წესრიგში იყო.