მსოფლიოს ყველაზე ძვირადღირებული საფეხბურთო ბრენდები

ბიზნეს-პორტალმა Brand Finance-მა მსოფლიოს ყველაზე ძვირადღირებული საფეხბურთო ბრენდების სია გამოაქვეყნა.

ვებგვერდის ინფორმაციით, რეიტინგში პირველ ადგილს მადრიდის ,,რეალი'' იკავებს, რომლის ღირებულება, შარშანდელთან შედარებით, 16%-ით გაიზარდა და 1.7 მილიარდი ევრო შეადგინა. როგორც Brand Finance წერს, ამ ყველაფრის მიზეზი ,,სამეფო კლუბის'' შემოსავლების რეკორდული ზრდაა, რაც გამოწვეულია წარმატებით როგორც უშუალოდ მოედანზე, ასევე - მის გარეთ.

მეორე ყველაზე ძვირადღირებული საფეხბურთო ბრენდი ,,მანჩესტერ სიტია'', რომელიც 1.6 მილიარდ ევროდაა შეფასებული - ქალაქელები გასულ წელს პირველ პოზიციას იკავებდნენ.

ტოპ სამეულში, ასევე, კატალონიის ,,ბარსელონა'' მოხვდა - ,,ბლაუგრანას'' ღირებულება 1.5 მილიარდი ევროა.

საინტერესოა, რომ ტოპ ათეულში პრემიერლიგის გუნდების სრული დომინაციაა და 10-დან 6 კლუბი სწორედ ინგლისიდანაა:

1. რეალი - 1.7 მილიარდი ევრო

2. მანჩესტერ სიტი - 1.6 მილიარდი ევრო

3. ბარსელონა - 1.5 მილიარდი ევრო

4. მანჩესტერ იუნაიტედი - 1.4 მილიარდი ევრო

5. ლივერპული - 1.4 მილიარდი ევრო

6. ბაიერნი - 1.2 მილიარდი ევრო

7. პსჟ - 1.2 მილიარდი ევრო

8. არსენალი - 1 მილიარდი ევრო

9. ტოტენჰემი - 0.9 მილიარდი ევრო

10. ჩელსი - 0.8 მილიარდი ევრო