მსოფლიოს საკლუბო ჩემპიონატის კალათები ცნობილია

ფიფამ 2025 წლის მსოფლიოს საკლუბო ჩემპიონატის კალათები გამოაქვეყნა. ტურნირის წილისყრა ხუთშაბათს, 5 დეკემბერს, მაიამიში გაიმართება.

32 გუნდი 4 კალათში ასე გადანაწილდა:

• I კალათი - მანჩესტერ სიტი, რეალი, ბაიერნი, პსჟ, ფლამენგო, პალმეირასი, რივერ პლეიტი, ფლუმინენსე;

• II კალათი - ჩელსი, დორტმუნდი, ინტერი, პორტუ, ატლეტიკო, ბენფიკა, იუვენტუსი, ზალცბურგი;

• III კალათი - ალ ჰილალი, ულსანი, ალ აჰლი, ვიდადი, მონტერეი, ლეონი, ბოკა ხუნიორსი, ბოტაფოგო;

• IV კალათი - ურავა რედ დაიმონდსი, ალ აინი, ესპერანსი, მამელოდი სანდაუნსი, პაჩუკა, სიეტლი, ოკლენდ სიტი, ინტერ მაიამი.

პირველ 32-გუნდიან მსოფლიოს საკლუბო ჩემპიონატს 2025 წელს ამერიკის შეერთებული შტატები უმასპინძლებს. ტურნირი 15 ივნისს დაიწყება და 13 ივლისს დასრულდება.

ფიფას გადაწყვეტილებით, 32 გუნდიდან ოკეანეთს - 1, აზიას, აფრიკასა და ჩრდ. ამერიკას 4-4, სამხრეთ ამერიკას - 6, ევროპას კი 12 წარმომადგენელი ეყოლება. 32-ე გუნდი კი მასპინძელი ქვეყნიდან იქნება.

მსოფლიოს საკლუბო ჩემპიონატის მოქმედი გამარჯვებული ,,მანჩესტერ სიტია'', რომელმაც ფინალში ,,ფლუმინენსე'' დაამარცხა.