"მოუთმენლად ველი ასეთი მდიდარი ტრადიციების მქონე კლუბში თამაშს" - ლუკა ლოჩოშვილი

კიოლნმა ლუკა ლოჩოშვილის ტრანსფერი გააოფიციალურა - სატრანსფერო თანხის შეთანხმებისა და სამედიცინო შემოწმების წარმატებით გავლის შემდეგ, ბუნდესლიგის კლუბმა ქართველ მცველს 3-წლიანი კონტრაქტი გაუფორმა.

კიოლნმა ლუკა ლოჩოშვილის სანაცვლოდ ნიურნბერგს 5 მილიონი ევრო გადაუხადა. კონტრაქტში სამომავლო პოტენციური ბონუსების პუნქტიცაა გათვალისწინებული, ხოლო 28-წლის ქართველი მცველი კლუბის ღირსებას 2029 წლის ივნისამდე დაიცავს.

კიოლნის მედიასთან საუბარში ლუკა ლოჩოშვილმა აღნიშნა, რომ ბედნიერია ასეთ ტრადიციულ კლუბში ასპარეზობის შესაძლებლობის მიღებით.

შეგახსენებთ, რომ ლუკა ლოჩოშვილი ნიურნბერგს 2025 წლის 12 ივლისს შეუერთდა. ლოჩოშვილმა ბუნდესლიგა 2-ის გასულ სეზონში 33 მატჩში მიიღო მონაწილეობა, სადაც 5 გოლი გაიტანა და ნიურნბერგის დაცვის ხაზის ერთ-ერთ შეუცვლელ წევრად ჩამოყალიბდა.