Belive

მოურინიო ვინისიუსზე: "ძირითად შემადგენლობაში გარანტირებული ადგილი არავის აქვს"

2 დღის წინ ფეხბურთი
1 წთ

ჟოზე მოურინიომ ვინისიუს ჟუნიორზე ისაუბრა და აღნიშნა, რომ რეალში არც ერთ ფეხბურთელს ძირითად შემადგენლობაში ადგილი გარანტირებული არ აქვს. პორტუგალიელმა სპეციალისტმა ეს განცხადება სელტასთან მატჩის წინ გამართულ პრესკონფერენციაზე გააკეთა.

მოურინიომ განსაკუთრებული ყურადღება ვინისიუსზე გაამახვილა, რომელმაც ბოლო პერიოდში ძირითად შემადგენლობაში ადგილი დაკარგა. ბრაზილიელის არადამაკმაყოფილებელმა ფორმამ და ლა ლიგაში მიღებულმა ოთხმატჩიანმა დისკვალიფიკაციამ იან დიომანდეს თავის გამოჩენის შესაძლებლობა მისცა. კოტ დ'ივუარელმა კი ეს შანსი გამოიყენა.

ჩვენთვის მნიშვნელოვანია აწმყო და ის, თუ როგორ მოემზადება ვინისიუსი სეზონის გადამწყვეტი მონაკვეთისთვის. წინ ესპანეთის თასი და სუპერთასი გველოდება. იმედი გვაქვს, მას კარგ ფორმაში ვიხილავთ. ვინისიუსი საოცარი ფეხბურთელია. ჩვენ ის გვიყვარს და გვჭირდება, მაგრამ აქ არავინ არის პრივილეგირებული და ძირითად შემადგენლობაში გარანტირებული ადგილი არავის აქვს. - ჟოზე მოურინიო

პორტუგალიელმა გუნდის ფიზიკურ მდგომარეობაზეც ისაუბრა და აღნიშნა, რომ მიმდინარე სეზონში ფეხბურთელებს ტრავმები შედარებით ნაკლებად აწუხებთ. მისი თქმით, ეს პროფესიონალიზმისა და სწორი მუშაობის შედეგია. მოურინიოს სურს, გუნდში 11-ზე მეტი მაღალი დონის ფეხბურთელი ჰყავდეს, რათა სეზონის განმავლობაში ყველა ტურნირზე კონკურენტუნარიანი შემადგენლობით იასპარეზოს.


სხვა სტატიები