"მისი დამარცხება რთულია" - ლა ლიგამ გიორგი მამარდაშვილს ვიდეო მიუძღვნა

ესპანეთის ჩემპიონატის ოფიციალურმა გვერდმა საქართველოს ნაკრების და "ვალენსიას" მეკარეს, გიორგი მამარდაშვილს ვიდეო მიუძღვნა.

ვიდეოს, რომელშიც 22 წლის ქართველი მეკარის გამორჩეული მომენტებია თავმოყრილი, ასეთი აღწერა აქვს: "მისი დამარცხება რთულია".

2022/23 წლების სეზონში გიორგი მამარდაშვილმა “ვალენსიას” შემადგენლობაში 42 მატჩში 49 გოლი გაუშვა და 9-ჯერ კარის მშრალად შენახვა მოახერხა.

ამჟამად მამარდაშვილის მიმართ ინტერესი მიუნხენის "ბაიერნის" გარდა ინგლისის პრემიერ ლიგის გრანდებს, “მანჩესტერ იუნაიტედს”, ლონდონის “ჩელსის”, “ტოტენჰემს”, “ასტონ ვილას” და ასევე პორტუგალიურ “პორტუს” აქვთ.