მილანის მთავარ მწვრთნელად პაულო ფონსეკა დაინიშნა

,,მილანის'' მთავარი მწვრთნელი პაულო ფონსეკა გახდა. ინფორმაციას ,,როსონერის'' ოფიციალური ვებგვერდი ავრცელებს.

პორტუგალიელმა სპეციალისტმა იტალიურ გუნდთან 3-წლიანი ხელშეკრულება გააფორმა.

ფონსეკა 2022-2024 წლებში ,,ლილში'' მუშაობდა. მისი ხელმძღვანელობით ,,ლილმა'' საფრანგეთის ლიგა 1-ის გასულ სეზონში 59 ქულით მე-4 ადგილი დაიკავა.

51 წლის სპეციალისტს კარიერის განმავლობაში პორტუგალიის თასი, სუპერთასი, უკრაინის პრემიერლიგა (3-ჯერ), თასი (3-ჯერ) და სუპერთასი აქვს მოგებული.