მესუთ იოზილი: "ამ მომენტში რუდიგერი მსოფლიოში საუკეთესო მცველია"

"რეალ მადრიდის" ყოფილმა ფეხბურთელმა მესუთ იოზილმა მადრიდელთა მცველი ანტონიო რუდიგერი შეაქო. მეტიც, გერმანელმა თავის თანამემამულეს მსოფლიოში საუკეთესო უწოდა.

გერმანელ მცველს "სანტიაგო ბერნაბეუზე" კარგი სეზონი აქვს. გასულ ღამეს "მალიორკას" წინააღმდეგ გამარჯვების გოლი გაიტანა და მისი გუნდი ცხრილი სათავეში დატოვა. შეგახსენებთ, რომ რუდიგერი მადრიდში "ჩელსიდან" თავისუფალი აგენტის სტატუსით გადავიდა.

"რეალი" მიმდინარე სეზონში ლა ლიგაში 48 ქულით პირველ ადგილს იკავებს. მეორე ადგილზე, ასევე 48 ქულით "ჟირონაა", ხოლო "ატლეტიკო" და "ბარსელონა" მე-3 და მე-4 ადგილს ინაწილებენ.