მასტანტუონო რეალში 30 ნომრიანი მაისურით ითამაშებს

მადრიდის რეალმა 18 წლის ახალწვეული, ფრანკო მასტანტუონო ოფიციალურად წარადგინა. უნივერსალური ნახევარმცველი სამეფო კლუბს 45 მილიონი ევროს სანაცვლოდ, რივერ პლეიტიდან შეუერთდა.

ფრანკო მასტანტუონოს წარდგენა 14 აგვისტოს მოხდა. მადრიდელებმა ის 2025/26 წლების სეზონისთვის სათადარიგო კლუბ, კასტილიაში დაარეგისტრირეს, თუმცა ცნობილია, რომ მასტანტუონო რეალში 30-ნომრიანი მაისურით ითამაშებს.

ესპანური მედია საშუალებების მიერ გავრცელებული ინფორმაციით, ხაბი ალონსო მასტანტუონოს პირველ გუნდთან ინტეგრაციას გეგმავს და წლევანდელ სეზონში სამეფო კლუბში გარკვეულ სათამაშო დროსაც მისცემს.