"მას ნდობა სჭირდება და დიდი მეკარე გახდება", - რას წერენ ესპანელი გულშემატკივრები მამარდაშვილის თამაშზე?

კოპა დელ რეის ნახევარფინალში, “სან მამესზე“, ბილბაოს “ატლეტიკმა” “ვალენსიას” უმასპინძლა და ფრე – 1:1 ეთამაშა. ვალენსიელთა ძირითად შემადგენლობაში ზედიზედ მეორე შეხვედრაში მოხვდა საქართველოს ნაკრების მეკარე გიორგი მამარდაშვილი, რომელმაც საკმაოდ ნორმალური თამაში ჩაატარა. მიუხედავად რამდენიმე შეცდომისა, ახალგაზრდა ქართველი ფეხბურთელი გამოსვლების კომპონენტში დამაჯერებელი იყო და წესით და რიგით, გუნდის მთავარ მწვრთნელ, ხოსე ბორდალასს მისი სასტარტო თერთმეტეულიდან გამოყვანის საფუძველი არ უნდა ჰქონდეს. მატჩის შემდეგ, მამარდაშვილის თამაშს ესპანელი ქომაგები არაერთგვაროვანი კომენტარებით გამოეხმაურნენ და განსხვავებული რეაქცია გამოხატეს. ზოგიერთი მათგანი მიიჩნევს, რომ მამარდაშვილი მომავლის მეკარეა, ხოლო ზოგიერთი მას ნეგატიურად აფასებს. ამ სტატიაში 21 წლის ქართველი გოლკიპერის მიმართ დაწერილ ყველაზე საინტერესო კომენტარებს შემოგთავაზებთ. https://www.live.ge/fexburti/ra-shephaseba-daimsakhura-mamardashvilma-bilbaosthan-matchshi/

"მომეწონა "ვალენსია". ძალიან ნერვიულობენ დიახაბი და მამარდაშვილი. სოლერი უკვე რამდენიმე თამაშია თავის თავს არ ჰგავს"; "კორეია და მამარდაშვილი შესანიშნავ თამაშს ატარებენ"; "მამარდაშვილი ცოტას ყოყმანობდა, დაცვის ცუდი თამაში კი საბოლოოდ გოლის გაშვებად დაგვიჯდა"; "მამარდაშვილის სხეულის ენა სიმშვიდეს გადმოსცემს. ის არ გამოიყურება ნერვიულად"; "ნახეთ, მამარდაშვილმა ინიაკი ვილიამსის ყუმბარისებური დარტყმა მოიგერია"; "მამარდაშვილის საწყის ექვს მატჩში დაყენება, შემდეგ 5 თვით სკამზე გადასმა და თასის ნახევარფინალში თამაში არასწორი მენეჯმენტის დამსახურებაა"; "მამარდაშვილი და დიახაბი დღეს "ატლეტიკის" საუკეთესო თავდამსხმელები არიან"; "ნდობა და უსაფრთხოება, რომლის უნარიც მამარდაშვილს ხაუმესთან შედარებით აქვს, საკმარისი არგუმენტი უნდა იყოს იმისთვის, რომ ქართველი მეკარე ყოველთვის და ყველა ვითარებაში მასზე წინ დადგეს"; "მამარდაშვილს ბევრი რამ აქვს და იმის გათვალისწინებით, რომ 18 წლისაა და ელიტაში მეკარეები ხშირად 24-25 წლამდე არ გამოირჩევიან, მაფიქრებინებს, რომ დიდი მეკარე იქნება. მას დრო უნდა დაეთმოს"; https://www.live.ge/fexburti/man-da-diakhabim-kinagham-tslis-shetsdoma-daushves-rogor-gamoekhmaura-espanuri-media-mamardashvilis-thamashs/ https://www.live.ge/fexburti/mas-ndoba-stchirdeba-da-didi-mekare-gakhdeba-ras-tseren-espaneli-gulshematkivrebi-mamardashvilis-thamashze/

გიორგი მამარდაშვილს “ვალენსიას” მთავარი გუნდის შემადგენლობაში უკვე 8 მატჩი აქვს ჩატარებული, საიდანაც 3-ში კარის მშრალად შენახვა მოახერხა და 8 გოლი გაუშვა.

"მას ნდობა სჭირდება და დიდი მეკარე გახდება", - რას წერენ ესპანელი გულშემატკივრები მამარდაშვილის თამაშზე?

სხვა სტატიები