"მას ესპანეთში, ბარსელონაში სურს თამაში" - ნორდინ ამრაბატი მისი ძმის მომავალზე
მაროკოელმა ფეხბურთელმა სოფიან ამრაბატმა კატარის მსოფლიო ჩემპიონატზე თავი არაჩვეულებრივად წარმოაჩინა. ზამთარში საკმაოდ აქტიურად იწერებოდა, რომ მის მიმართ არაერთი მაღალი დონის კლუბი იჩენდა ინტერესს. მსოფლიო ჩემპიონატის დასრულების შემდეგ გავრცელდა ინფორმაცია, რომ "ფიორენტინას" ნახევარმცველის დამატება "ბარსელონას" სურდა.
El Barça ha preguntado por Amrabat para verano. El jugador ya sabe que gusta en Barcelona, pero los 40M que pide la Fiore lo alejan del Camp Nou. El Tottenham está bien colocado. #fcblivehttps://t.co/YCUYqdkT9z
— Toni Juanmartí (@tjuanmarti) December 17, 2022
ამ ამბიდან თითქმის ნახევარი წელი გავიდა და მაროკოელი კვლავ იტალიური კლუბის რიგებში ირიცხება. თუმცა, რამდენიმე საათს წინ გაავრცელდა სოფიანის ძმის ნორდინ ამრაბატის სიტყვები, რომელიც საკმაოდ დამაინტრიგებლად ჟღერს.
"სოფიანი ვესტ ჰემში? არა, მას მწვერვალზე ასვლა და ესპანეთში თამაში სურს. "ბარსელონაში" ის ტრანსფერების სიაში პირველ ადგილზეა, მაგრამ "ბარსას" ფინანსური მდგომარეობის შესახებ ყველამ კარგად ვიცით." - განაცხადა ნორდინმა ESPN-თან საუბრისას.
Nordin Amrabat: "Sofyan to West Ham? No, he wants to go to the top and his desire is to play in Spain. At Barcelona, he is high on the list but you know Barça’s financial situation", told ESPN. 🇲🇦
— Fabrizio Romano (@FabrizioRomano) June 8, 2023
"There are more clubs interested in Sofyan", he added. pic.twitter.com/1fHfoVCEZ5
შეგახსენებთ, რომ გუშინ ამრაბატის "ფიორენტინა" კონფერენს ლიგის ფინალში "ვესტ ჰემს" დაუპირისპირდა, სადაც 1:2 დამარცხდა. ინგლისელთა მხრიდან გადამწყვეტი გოლი ჯარედ ბოუენმა 90 წუთზე გაიტანა.
სხვა სტატიები
