სერხიო რამოსი კარიერას ანახლებს | ესპანელი ლეგენდა პრემიერ ლიგაში თამაშთან ახლოსაა

დაცვის ხაზში შექმნილი ტრავმების კრიზისით შეწუხებულმა ასტონ ვილამ თავისუფალი აგენტის სტატუსის მქონე, სერხიო რამოსის დასამატებლად აქტიური ნაბიჯები გადადგა. გავრცელებული ინფორმაციით, მთავარი მწვრთნელი უნაი ემერი თანამემამულეს პირადად შეხვდა.

ესპანური მედიასაშუალება Fichajes-ის ცნობით, "ვილანების" მთავარი მწვრთნელი უნაი ემერი 40 წლის ვეტერანი მცველის დასარწმუნებლად პროცესში პირადად ჩაერთო. იტყობინებიან, რომ ემერიმ, რომელმაც თანამემამულესთან შეხვედრა გამართა, მიზნად დაისახა გუნდში არსებული ცენტრალური მცველების დეფიციტი რამოსის ლიდერობითა და გამოცდილებით აღმოფხვრას.

ყველა დროის ერთ-ერთი საუკეთესო ცენტრალური მცველი, 2026 წლის იანვარში მექსიკური მონტერეის დატოვების შემდეგ თავისუფალი აგენტის სტატუსითაა. სერხიო რამოსმა კარიერის განმავლობაში ორჯერ ევროპის და 2010 წელს მსოფლიოს ჩემპიონატის მოგება, ასევე 4-ჯერ ჩემპიონთა ლიგაზე ტრიუმფი მოახერხა.