მარიო ბალოტელი გაერთიანებულ საამიროებში ითამაშებს

იტალიის ეროვნული ნაკრების ყოფილმა წევრმა, 35 წლის ფორვარდმა - მარიო ბალოტელიმ, ჯენოას დატოვების შემდეგ დაისვენა, გუშინ კი გაერთიანებული საამიროების კლუბ ალ იტიფაქთან კონტრაქტი გააფორმა, სადაც 2028 წლის ჩათვლით ითამაშებს.

35 წლის იტალიელი ფორვარდისთვის, ალ იტიფაქი კარიერაში მე-13 კლუბი იქნება, სადაც იგი იასპარეზებს.

'სუპერ მარიო' ბოლოს ჯენოაში თამაშობდა, თუმცა მწვრთნელთან დაპირისპირების გამო, მას სათამაშო დრო თითქმის საერთოდ არ ეძლეოდა და 1 სეზონის განმავლობაში სულ 6 თამაშში მიიღო მონაწილეობა, ყველაზე მეტი კი 32 წუთი ითამაშა, რადგანაც მუდმივად სათადარიგოთა შემადგენლობიდან უწევდა შემოსვლა.

ბალოტელიმ ალ იტიფაქთან კონტრაქტს ხელი უკვე მოაწერა და 9 იანვარს მას გაერთიანებულ საამიროებში წარადგენენ.

აქვე შეგახსენებთ, რომ 35 წლის იტალიელ ფორვარდს ნაკრებშიც 36 მატჩი აქვს ჩატარებული, სადაც 14 გოლის გატანაც შეძლო.